Մարդու ուղեղը պատկերն ընկալում է 13 միլիվայրկյանում

ԱՄՆ-ի Մասաչուսեթսի տեխնոլոգիական ինստիտուտի գիտնականները պարզել են, որ մարդու ուղեղն ավելի արագ է սկսել աշխատել, քան անցյալում:

«Նախկինում մենք կարծում էինք, թե ուղեղին անհրաժեշտ է 100 միլիվայրկյան` տեղեկությունն աչքի եղջերաթաղանթից ուղեղին հասցնելու եւ ճանաչելու համար, - ասում է պրոֆեսոր Մերի Փոթերը: - Սակայն պարզվել է, որ ժամանակակից մարդու ուղեղն  ունակ է պատկերը ճանաչել 13 միլիվայրկյանում: Պատկերի իմաստն ուղեղը կարող է հասկանալ` 75 կադր վայրկյան արագության դեպքում»:

Փորձի նպատակով մասնագետները կամավորներին խնդրել էին ժպտացող զույգի պատկեր գտնել համակարգչային էկրանի տեղեկատվական հոսքում, հայտնում է  «Կոմերսանտը»:

Այժմ գիտնականները փնտրում են հետևյալ հարցի պատասխանը. արդյո՞ք մարդու բարձր զգայական ընկալումը վկայում է մեր ուղեղի էվոլյուցիայի զարգացման մասին, թե՞ սա քաղաքակրթության  վնասակար ազդեցությունն է:

Հարցեր, պատասխաններ, մեկնաբանություններ